Latin

text

Arbor Elementalis.

habituatæ vnde deriuantur cæteræ in diuiduitate veritates, sicut veritates ignis & aliorum elementorum : quæ sunt species existentes sub radice: quæ est genus, de qua radice dictum est. Et veritates indiuiduatæ sunt : sicut est calor piperis & allei, & humiditas & frigiditas cucurbitæ. ### De Gloria. **G**loria est ipsa delectatio, in qua bonitas, magnitudo, &c. quiefcunt : Gloria quæ cum discretione: non est simpliciter in arbore elementali, quia non pertinet nisi rationali, sed eius similitudo & figura est in arbore elementali : vt eius partes quietem habeant. Et illa est delectatio naturalis & corporalís, sicut ignis, qui delectatur in dando suam similitudinem aëri : in quantum ipsum calefacit, & in recipiendo siccitatem à terra : vt sit siccus, cum qua siccitate delectatur destruere humiditatem aëris : vt illum calorem suum recipere compellat, & vt non det aquæ humiditatem. Contra quam aquam delectatur : vt ipsam possit calefacere, & in ipsa frigiditatem mortificare. Et sic de cæteris rebus naturalibus : quæ delectantur in suis operationibns, quemadmodum planta, quæ flores & fructus facere delectatur, & leo cum leonissa. Et propter hoc hæc delectatio naturalis & generalis quam diximus, est radix arboris elementalis : ratione cuius delectationes inferiores in illa sunt seminatæ : quas quædam res habent in aliis secundùm quod supra diximus. ### De Differentia. **D**ifferentia est id, ratione cuius bonitas, magnitudo, &c. sunt rationes inconfusæ, & per quam bonificans & bonificabile sunt inconfusa. Diffe- rentia est radix generalis per quam differunt res primariæ & naturales, & idem est de secundariis, sicut bonitas, magnitudo, &c. quæ in creaturis non sunt idem , imò per differentiam sunt differentes in tantum , quòd vna non est alia. Et idem est de bonificante & bonificabili & bonificare : quæ differunt in bonitate. Et de magnificante, magnificabili & magnificare, quæ differunt in bonitate. Et de magnificante, magnificabili & magnificare, quæ differunt in magnitudine. Idcirco differentia est ratio & occasio, quod de pluribus sit pluralitas, & quod differant substantialiter, quemadmodum ignis, aër, homo, & equus, quæ differunt substantialiter, sed sine differentia hoc esse non potest, nisi differentia principium substantiale esset in partibus substantialibus, videlicet differans, differabile, & differare, quæ sunt partes de sua essentia & substantia. Veruntamen differentia est alio modo principium accidentale, quemadmodum arbor & lapis, quæ per accidens differunt, in quantum non sunt differentes per se, sed per differentiam. Sicut arbor quæ non est per se colorata, in quantum est subiacens speciei arboris, sed est colorata, in quantum est subiacens speciei coloris. Differentia habet tres species. Est enim differentia inter sensuale & sensuale : sicut inter hominem & asinum : qui differunt per speciem. Et inter sensuale & intellectuale : sicut inter corpus & animam, quæ differunt per differentiam. Et inter intellectuale & intellectuale, sicut inter intellectum & voluntatem, & inter Deum & angelum : qui differunt per differentiam. Et per has tres species quas diximus de differentia, sunt omnia entia differentia. Sed in arbore elementali catchword: non Gloria, Differentia, Elementalis, Bonitas, Magnitudo, Bonificans, Magnificans, Substantia, Species