Latin

preface

XII

PRAEFATIO

sectarum semet devovisse, sed e quavis, quid ipsi videretur rationi respondere, assumsisse. Unde cum Agathino Lacedaemonio et Leonida Alexandrino Episyntheticis aut Eclecticis potius adnumerandus est ^23. Experientiae majorem tribuisse fidem, quam ratiocinio, vel e capite de opio ^24 patet, ubi, recensitis Diagorae, Andreae et Mnesidemi opinionibus, has omnes commentitias esse asserit atque experientia deprehendendas. Neque tamen eo minus usum saltem loquendi in Methodicorum scholis recepit, forte et adhaesit eorum commentis. Metasyncriticam enim curationem passim commendat ^25, et de poris repletis atque iterum aperiendis ratiocinatur ^26. Rationalem vero fuisse medicum, dubium esse nequit, quamquam dogmaticorum ratiociniis hactenus addictus non fuerit, ut futiles argutias de gradibus virium in medicamentis residentium assumeret aut imitaretur. A superstitione, quae ea aetate jam per vulgus juxta ac scholas serpere coepit, immunem se atque intactum servavit. Si quando ejusmodi efficacias medicamentorum, aliena testimonia sequuturus, tradit, adjungere solet: ἱστοροῦσι, ἱστορεῖται. Hinc et additamenta pleraque librariorum statim deprehenduntur, dum vel commentis superstitiosis, vel fabulis anilibus similia sunt. ## VI. ### *De dictionis genere.* Si quis Strabonem, aetate paullo majorem, civem tamen Dioscoridis, Amasia saltem Ponti galatici natum, cum nostro comparaverit, dici facile nequit, --- 23) Galen. defin. med. p. 591. ed. Basil. Isagoge p. 684. ed. Lips. 24) Lib. 4. c. 65. 25) Lib. 3. c. 43. lib. 4. c. 157. lib. 5. c. 11. 130. 137. 26) Lib. 4. c. 157. Agathinus Lacedaemonius, Leonidas Alexandrinus, Episynthetici, Eclectici, Opium, Diagoras, Andreas, Mnesidemus, Methodici, Metasyncritica, Strabo, Dioscorides, Amasia, Pontus galaticus

VI.

Concerning the style of his diction.